Чорба од леќа со булгуп и ориз со дадток на овчо сирење и зелена салата со марула, јаболко и краставица со прелив од лимон и мадарина чорба од леќа, булгур и ориз (Здрав и хранлив оброк) Состојки: 200 г леќа 40 г булгур 40 г бел ориз 1 средно голем кромид (поделен на два дела) 2 суви пиперки 1 чешне лук 40–50 г црвен компир 1,2 л вода Зачини: сол, бибер, суво нане, благ и лут буковец, црвен пипер Маснотија: 3 лажици маслиново масло, 1 коцка путер Подготовка на намирниците: Во сад со вода ставете ги леќата, булгурот и сувите пиперки да отстојат 1 час за да набабрат. Потоа убаво исплакнете ги и исцедете ги. Исплакнете го и оризот. Динстање: Во тенџере, на среден оган, загрејте една лажица маслиново масло и коцка путер. Пропржете ја првата половина од ситно исечканиот кромид додека не стане стакласт. Додадете го истиснатиот лук и една лажица благ буковец. Пржете 30-40 секунди. Готвење: Во тенџерето додадете ги леќата, булгурот и оризот. Пропржете ги околу 2 минути, па додадете 1,2 литри вода. Ставете ги сувите пиперки, другата половина од кромидот (во парче) и компирот. Варете поклопено на тивок оган околу 1 час. Згуснување (Блендирање): Извадете ги од чорбата варениот кромид, компирот и неколку лажици од густината (леќата, булгурот и оризот). Пиперките исчистете ги од лушпата и семките, па само месото додадете го во блендерот заедно со малку течност од чорбата. Блендирајте додека не добиете кремаста смеса, па вратете ја во тенџерето. Запршка и зачини: Настрана загрејте 2 лажици маслиново масло, тргнете го од оган и измешајте 2 лажици црвен пипер. Прелијте ја чорбата со оваа смеса. Зачинете со сол, бибер, суво нане и по желба лут буковец. Варете уште 2-3 минути.